शिवपुरी (अक्कलकोट स्वामी समर्थ परंपरा) येथील परमपूज्य गजानन महाराज यांनी १९६९ मध्ये सोमयज्ञ करून सोमयाग परंपरेचे पुनरुज्जीवन केले.

​

प. पू. योगीराज गुळवणी महाराजांचे शिष्य नाना काळे यांनी बार्शी-सोलापूर येथे चारही वेदांतील पुरोहितांना सोमयागाचे प्रशिक्षण देण्यासाठी एक वेद पाठशाळा उभारली.

 

आज जग आणि मानवजात अनेक समस्यांनी ग्रस्त आहे. ग्लोबल वॉर्मिंगमुळे संरक्षणात्मक ओझोन थराचे नुकसान होत आहे. जगभरातील विविध राष्ट्रांमध्ये युद्धे सुरू आहेत. सांस्कृतिक मूल्यांचा ऱ्हास होत असून कौटुंबिक आणि सामाजिक जीवन संकटात सापडले आहे. पृथ्वीच्या साधन-संपतीचे निर्दयपणे शोषण करून मानवाने विकासाचा एक भ्रम निर्माण केला आहे. यामुळे अनेक संकटे निर्माण झाली आहेत—सामाजिक समस्या, आर्थिक अस्थिरता, प्रदूषण, दूषित अन्न, महामारी, त्सुनामी यासारखी संकटे सातत्याने वाढतच आहेत.

 

आम्हाला विश्वास आहे की सोमयागाचे आयोजन हा या समस्यांवर एक परिपूर्ण आणि समग्र उपाय आहे. सोमयागाचे आयोजन करणे अत्यंत कठीण असते आणि आयुष्यात एकदा तरी सोमयाग करणे हे महद्भाग्य मानले जाते.

 

या आव्हानात्मक काळात, मानवतेच्या उत्थानासाठी आणि संरक्षणासाठी, जगभरात सनातन वैदिक हिंदू धर्माच्या पुनरुज्जीवनासाठी आणि जागतिक शांती व कल्याणासाठी (सर्वजन हिताय, सर्वजन सुखाय), भीष्म फाउंडेशनने २०२६ ते २०३५ या काळात भारतात १०८ सोमयाग आयोजित करण्याचा संकल्प केला आहे. आम्हाला वैदिक, धार्मिक आणि आध्यात्मिक क्षेत्रातील आदरणीय विद्वान, संत आणि तज्ञांचे आशीर्वाद आणि पाठिंबा लाभला आहे. अनुभवी आणि ज्ञानी पुरोहित, आचार्य आणि ऋत्विक आमच्याशी जोडलेले आहेत.

​

या सोमयागामध्ये वैदिक मंत्रांचे जे उच्चारण होते त्यातून एक विलक्षण आणि अद्भुत दैवी ऊर्जेची अनुभूती या यज्ञादरम्यान घेता येईल. विश्व कल्याण आणि विश्व शांति हे या यज्ञाचे मुख्य उद्देश आहे. ऋतुचक्रांचे संतुलन, पंच महाभूतांचे संतुलन, वातावरणाचे आणि पर्यावरणाचे शुद्धीकरण, ग्लोबल वॉर्मिंग पासून मुक्ती, वैश्विक ऊर्जेचे संतुलन करण्यासाठी या यज्ञांचे आयोजन केले आहे. याचबरोबर प्रत्येक व्यक्तीच्या आरोग्य प्राप्ती, समाधान, सुख-समृद्धी, व्यक्तिगत वायुमंडलाची शुद्धी अर्थात आभा (ऑरा) शुद्धी, पंचकोशीय शुद्धी, पारिवारिक सुख-समृद्धीसाठी हा यज्ञ अत्यंत लाभकारक आहे. या सोमयागामध्ये ऋग्वेद, यजुर्वेद, सामवेद आणि अथर्ववेद या चार वेदांमधील मंत्रांचे पठण केले जाते. हविर्द्रव्याची आहुती, मंत्रजागर आणि अरोमा थेरपीने (गंध चिकित्सा) यामुळे सहभागी यजमानांचे शारीरिक स्वास्थ्य आणि मानसिक आरोग्य सुधारण्याकरिता निश्चितच मदत होईल.

​

- प्रा. क्षितीज पाटुकले (patukalesir@gmail.com)

​

  1. विश्व कल्याण                                                               2. व्यष्टी (व्यक्ती) आणि समष्टी (समाज) कल्याण 

  3. दैवी उर्जेची अनुभूती                                                       4. ऋतू चक्रांचे संतुलन

  5. पंच महाभूतांचे संतुलन                                                   6. पर्यावरण आणि वायूमंडलाचे शुद्धीकरण

  7. भूमी-जल पोषण सुधार आणि शुद्धीकरण                                8. ब्रह्मांडीय एकात्मता संतुलन

⁠  9. वैयक्तिक आरोग्यप्राप्ती                                                        10. आभामंड (ऑरा), पंचकोशीय शुद्धी